Азаматтық журналистика

Азаматтық журналистика - қарапайым азаматтардың ақпаратты жинау, талдау және тарату үдерісіне белсене қатысуы. Азаматтық журналистика дәстүрлі бұқаралық ақпарат құралдарының назарынан тыс қалған оқиғаларды қамтиды, кеңінен талқыланған мәселелерді неғұрлым егжей-тегжейлі талқылайды немесе алғашқы ақпаратпен қамтамасыз етеді (оқиға орнынан, куәгерлерден). Негізінен азаматтық журналистика жаңа медиа арқылы дамиды. Интернеттің және әлеуметтік желілердің арқасында қызықты ақпаратты табу, оны тарату, сондай-ақ жұртшылықтың назарын белгілі бір проблемаларға аудару әлдеқайда оңай бола бастады. Өйткені азаматтық журналисттің дәстүрлі бұқаралық ақпарат құралдарда істейтін журналистке қарағанда ақпарат таратуы тез.

Журналист Марк Гласер азаматтық журналистиканың толық анықтамасын берді. Оның айтуынша, журналистикада кәсіби білімі жоқ адамдардың ақпаратты тауып, оны тарату үшін заманауи құралдар мен интернет-технологияларды қолдану үрдісі азаматтық журналистика деп аталады. Сондай-ақ қарапайым азаматтың әлеуметтік маңызы бар оқиға туралы дәстүрлі бұқаралық ақпарат құралдарында жарияланған мақалаларды сынап, фактілердің дұрыс еместігін дәлелдеу үшін оқиға орнында түсірілген айғақтарды жариялайды.