БОЙДАҚ

Бойдақ — үйленбеген адам. Ұзақ уақыт бойы Бойдақ болудың (сүр бойдақтықтың) түрлі себептері бар.

Мысалы, демогр. жағдай, әлеум.-тұрмыстық ахуал, денсаулық мүмкіндігі, т.б. мәселелер оған себеп болады. Бойдақтар санының көбеюіне әлеум.-тұрмыстық ахуалдың елеулі ықпалы бар. Жұмыссыздық, баспанасыздық, жеке бастың психология әлсіздігі, т.б. факторлар отбасылық өмірдің жауапкершілігін көтеруді қиынсынуға апарады. Денсаулық жағдайына байланысты өмір бойы Бойдақ болып өтетіндер экология апат аймақтарында (ядролық сынақ жасалған, улы кен өндірілген, т.б.) жиі кездеседі. 1989 — 98 ж. аралығында Қазақстанда 30 жастан 50 жасқа дейінгі Бойдақтар саны 44 мыңнан 90 мыңға жеткен.