БОКИН Тоқаш
Бокин Тоқаш[1] (25.4.1890, бұрынғы Жетісу обл. Верный уезі, 6-ауыл — 19.9.1918, Алматы) — Жетісудағы 1916 ж. қазақ халқының ұлт-азаттық көтерілісін ұйымдастырушылардың бірі. 1898 — 1906 ж. Верный қаландағы ер балалар гимназиясында білім алған. Одан соң 1914 жылға дейін Верный уезінің сот органдары мен қоныс аудару басқармасында тілмәш болған. 1914 — 16 ж. Санкт-Петербург қ-нда сот палатасында жұмыс істеген. Патша үкіметіне қарсы түрлі саяси ұйымдардың бағдарламаларымен танысады. 1916 ж. елге оралған Бокин Тоқаш қазақ халқының ұлт-азаттық көтерілісінің Жетісу ошағы жетекшілерінің бірі болды. 1917 ж. большевиктер басқарған саяси күштермен жақындасып, Жетісу облысында Кеңес өкіметін орнатуға ат салысты. Ол 1918 ж. 2 — 13 қаңтар аралығында Верный қаласында өткен Кеңес өкіметін орнатуды жақтаған Жетісу обл. шаруалар депутаттарының 2-съезіне қатысты, одан соң Жетісу соғыс-рев. к-тінің мүшелігіне сайланды. Большевиктік өкіметтің жергілікті (болыстық, ауылдық, селолық) жүйесін құру ісіне қатысып, жергілікті әскери бөлімдерін жасақтап, оларды 1918 жылдың көктем және жаз айларында азық-түлікпен қамтамасыз етуге күш жұмсады. Өлкеде азамат соғысы етек алған кезде ол саяси күрестің құрбаны болды.
Пайдаланылған әдебиет
[өңдеу]- ↑ “Қазақ Энциклопедиясы”, II-том
|
Бұл бөлімде бастамасы. Сіз оны толықтырып, дамыту толықтырып, дамыту |
[[санат:тұлға]