БОЛДЫРУ

Болдыру — адамның жұмысқа қабілеттілігінің төмендеуін көрсететін психикалық құбылыс. Болдыру ұзақ уақыт бойы жұмыстан шаршауы, сырқаттануы, т.б. салдарынан болады. Болдыру адамға жұмыс барысында түсетін салмақ түріне қарай әр қилы болып келеді.

Мысалы, өтпелі Болдыру, тұрақты Болдыру, физиология Болдыру, ақыл-естік Болдыру, т.б. Болдыру кезінде адамның мінез-құлқында, сезімінде, зейінінде, ақыл-зердесінде жағымсыз құбылыстар байқалып, жүйке жүйесінің жұмысы тежеледі. Адамның ішкі қуаты азайып, жұмысқа қабілеттілігі төмендейді. Болдыру құбылысын барынша азайту үшін еңбек процесін дұрыс ұйымдастыру, жұмыс, оқу, демалыс режимдерін сақтау, дене шынықтыру, т.б. шараларды орындау қажет.