Гонзо-журналистика
Гонзо-журналистика («Гонзо» - «ақылсыз») адамның субъективті ойын жеткізетін журналистиканың бір түрі. Репортер бейтарап бақылаушы ретінде емес, оқиғаларға тікелей қатысушы ретінде өзінің жеке тәжірибесі мен эмоцияларын ашық білдіру арқылы қатысады. Гонзо-журналистикада сынды, сарказымды, әзілді және эмоцияны, тіпті кейде ғайбат сөздерді де жұмыс барысында қолданады. 60-жылдары осы журналистиканың түрі пайда болуына себепкер болған- Том Вольф. Ал жалпы гонзо журналистикасының негізін қалаушы - Хантер Томпсон. «Гонзо» - (ақылсыз, ессіз, ақымақ). Гонзо журналистикасында нақты бекітілген ережелер жоқ, құрылымы да болмайды, ал формасы мен мазмұны арасында айырмашылықтар жиі кездеседі.
Жоғарыда айтылғандарға байланысты журналистердің мынадай белгілері болуы мүмкін:
- есеп беру;
- субъективтілік;
- автор назарында;
- эклектизм;
- арнайы авторлық лексиканы пайдалану.