БОЗСОРАі

Бозсораі (Clіmacoptera) — алабұта тұқымдасына жататын бір жылдық өсімдіктер. Қазақстаның шөл және шөлейт аймақтарындағы сор, сортаң, тақыр жерлер мен тұзды көлдер жағалауларында кездеседі. 14 түрі бар. Ең көп тараған түрі — түкті бозсораң немесе балықкөз (Clіmacoptera lanata). Оның биікті 10 — 60 см, бозғылт, қалың түкті, бұтақталған сабағы бар. Етжеңді, қалың жапырақтары сабағына кезектесіп орналасады. Қызғылт түсті гүлдері масақ тәрізді гүлшоғырына топталған. Гүлдері дара жынысты. Мамыр — маусым айларында гүлдейді, шілде — қыркүйекте жемістенеді. Жемісі бүйрек тәрізді, сыртын жұқа қабық жапқан. Бозсораі — күздік, қыстық жайылымдардағы бағалы жемшөптік өсімдік. Қой, ешкі, түйе сүйсініп жейді.