БОЗТОҒАН

Бозтоған, Бестоған — Алматы облысының Көксу ауданынндағы ауыл, Октябрь ауылдық әкімшілік округінің құрамында. Аудан орталығы — Балпық би кентінің батысында, 17 км жерде, Сарыбастау тауының солтүстік баурайында, боз,жусан,бетеге,көде, т.б. шөптесіндер өскен шөлейтті белдемде орналасқан. Тұрғыны 1,0 мың адам (1998). Бұрынғы 23-партсъезд атынд. қызылша өндіретін кеңшар негізінде 1996 жылдан шаруа қожалықтары мен серіктестіктер ұйымдасқан. Ауылда орта мектеп, клуб, дәрігерлік пункт, т.б. бар. Тұрғындары басқа елді мекендермен автомобиль жолы арқылы қатынасады.