БОЗШЫМШЫҚ
Бозшымық[1], кәдімгі суықторғай (Pyrrhula pyrrhula) — құнақтар тұқымдасына жататын құс. Дене тұрқы торғайдай, салм. 32 — 34 г; төбесі, қанаты, құйрығы қара, мойнының үсті мен арқасы сұрғылт, бауыры қызғылт, күңгірт немесе қоңыр, сұр түсті. Бозшымық Бат. Алтайдың қылқан жапырақты ормандарында кездеседі. Қыстап шығу үшін Орта Азияға, Қырымға, Қазақстанның оңтүстік аудандарына ұшып барады. Ағаш басына ұялап, 4 — 7 жұмыртқа салады, оны мекиені 13 — 15 күн басып балапан шығарады. Олар 15 — 16 күнде ұядан ұшады. Бір жазда екі рет балапандайды. Бозшымық әр түрлі ұсақ жәндіктерді, ағаш тұқымын, бүршігін, жас жапырағын жейді. Үні әуезді, сондықтан оны үйде де ұстайды.
Пайдаланылған әдебиет[өңдеу]
- ↑ “Қазақ Энциклопедиясы”, II-том
|
Бұл бөлімде бастамасы. Сіз оны толықтырып, дамыту толықтырып, дамыту |