БОЙЧЕНКО Гавриил Моисеевич

Бойченко Гавриил Моисеевич (1.2.1927, Ресей, Ставрополь өлкесі, Ессентуки қара) — актер, Қазақстанның халық артисі (1987), Қазақстанның еңб. сің. артисі (1970).

театр

1947 ж. Ставрополь өлкелік орыс драма театры жанындағы студияны бітірген соң осы театрда 1949 жылға дейін актер болып қызмет атқарады. 1949 — 53 ж. Ессентуки қаласында көркемөнерпаздар үйірмесін басқарды, кейіннен Иркутскінің (1953 — 60) және Астраханның (1960 — 62) балалар және жасөспірімдер театрында актер болды. Бойченко Гавриил Моисеевич өзінің алғашқы сахналық өнер жолында көбіне балалар рөлін орындаумен көзге түсті. 1962 ж. Қазақ балалар мен жасөспірімдер театрына қабылданып, 1985 — 87 ж. осы театрдың орыс бөлімінің директоры қызметін атқарды, 1994 жылдан Респ. орыс драма театрының актері. Бойченко Гавриил Моисеевич ойынына ой мен пластикалық әрекет тұтастығы, шынайылық, сахналық үйлесімділік тән.

рөлдер

Балалар мен жасөспірімдер театрында ойнаған таңдаулы рөлдері қатарында Мишка (Н.Н. Серебряковтың “Қызыл перілерінде”), Белоянис (Н.М. Гусевтің “Ақ қалампырлы адамында”),Барон Мюнхгаузен (Г.М. Гориннің “Ең шыншылында”), т.б. бар.