БОЛГАРЛАР

Борис I • Христо Ботев • Васил Левский • Валя Балканская Василий Априлов • Христо Стамболийский • Димчо Дебелянов • Веселин Топалов

Болгарлар — Болгария Республикасының байырғы халқы. Онда шамамен 8,9 млн. (1995), басқа мемлекеттерде (Украина, Молдова, Румыния, Югославияда, т.б.) 550 мыңы тұрады. Болгарлар Болгария Республикасы халқының 85%-ін құрайды (9%-і түріктер). Славян тілдерінің оңтүстік тобына жататын болгар тілінде сөйлейді, православие дінін ұстанады. Болгарлар Балкан түбегінде ежелден қоныстанған фракий тайпалары, Еділ бойынан келген бұлғар (түркі) тайпалары мен славян тайпаларының араласуынан пайда болған ұлт. 10 ғ-да жас ұлт ретінде қалыптасқан. Болгарлар атауы ежелгі Еділ бұлғарларының атауынан ауысқан. Оларды Балкан түбегіне бастап келген Аспарух хан — Болгария мемлекетінің негізін қалаған тарихи тұлға.

Мәдениет

Тілдері

Тілдері славян тілдері шоғырына жатқанымен сөздік құрамында түркі тіліне (оның ішінде қазақ тіліне) ұқсас сөздер көп.

Дәстүрлі

Болгар халықтың биі

Дәстүрлі кәсіптері — егін ш. (ірі бұршақ, темекі, жеміс-жидек, астық тұқымдастарын өсіру), мал ш. (сиыр, қой, шошқа), қалаларда тұратындары ұлттық қолөнерімен шұғылданады. Отандық өндірісі 19 ғ-дан бастап дамыды.

Ұлттық тағамдары

Ұлттық тағамдары — түрлі көкөніс, жеміс қосып пісірген ет тағам түрлері, сүт, жеміс-жидек, салқындатылған сусындар, кофе, боза, т.б. Ұлттық мерекелері 1 Наурыз — көктем мерекесі, 24 мамыр — славян жазбасы мен Болгарлар мәдениеті күні, т.б.