БОЛМАН Қожабайұлы
Болман Қожабайұлы[1] (т.ж.б., қазіргі Қарағанды облысы Ұлытау ауданы — 1972, сонда) — айтыс ақыны. Әкесі Қожабай суырып салма ақын, әнші, домбырашы болған. Болман әуелі байдың жалшысы, кейін Қарсақбай кенінде жұмысшы болып істеген. Болман 1943 — 45 ж. әр алуан айтыстарға қатысып, өзінің үздік өнерімен танылады. Әдебиет және өнер институтты 1961 ж. өткізген халық ақындарының конференциясында ақындар айтысы ұйымдастырылып, сол айтыста Болман тапқырлығымен көзге түскен. Ол Нияз, Нұртаза, Шашубай сынды ақындармен айтысқан. Болманның ақындық өнерінен сөз реңкін кіргізе, бояуын қандыра баяндау, ойды тапқыр түйіндеу байқалады. Әсіресе, соғыс жылдарындағы Шашубаймен айтысында Қазақстан кеншілерінің Отан соғысына қосқан қомақты үлесін екі ақын да айшықты жырлаған.
Пайдаланылған әдебиет[өңдеу]
- ↑ “Қазақ Энциклопедиясы”, II-том
|
Бұл бөлімде бастамасы. Сіз оны толықтырып, дамыту толықтырып, дамыту |