БОНДАРЕНКО Владимир Петрович
Бондаренко Владимир Петрович [1] (2.2.1950, Жамбыл облысында Мерке ауданында) — әскери қызметкер, генерал-майор (1997). Әуе шабуылына қарсы қорғаныс әскерінің Житомир жоғары радиотех. уч-щесі жанындағы орта радиотехникалық училище бағдарламасы бойынша 3 жылдық курсты (1970), Әуе шабуылына қарсы қорғаныс әскерінің Ленинград әскери жоғары саяси училищесін (1978), Мәскеудегі Әскери-саяси академияны (1984) бітірген. КСРО Әуе шабуылына қарсы қорғаныс әскері жүйесіндегі радиотехникалық, зенитті-ракеталық полктерде саяси-ұйымдастыру жұмыстарында болған. 1993 ж. 19 наурызда Қазақстан Қарулы Күштері Әуе шабуылына қарсы қорғаныс әскері қолбасшысының орынбасары әрі Әуе шабуылына қарсы қорғаныс әскері басқармасы тәрбие және әлеуметтік-құқықтық жұмыстар жөніндегі бөлімінің бастығы болып тағайындалды. 1998 жылдан Әуе қорғаныс күштері қолбасшысының тәрбие және әлеуметтік-құқықтық жұмыстар жөніндегі орынбасары. Орден, медальдермен марапатталған.
Пайдаланылған әдебиет[өңдеу]
- ↑ “Қазақ Энциклопедиясы”, II-том
|
Бұл бөлімде бастамасы. Сіз оны толықтырып, дамыту толықтырып, дамыту |