БОҚАЕВ Мұхаметжан

Боқаев Мұхаметжан (17.5. 1911, Қарағанды облысында Жаңаарқа ауданында Ақтау а. — 11.8. 1974, Жаңаарқа ауд.) — палуан. Еңбек жолын “Алғабас” ұжымшарында механизатор болып бастаған, кейін 1936 ж. Қарағандыға, одан Алматыға шақырылды. Осында Қазақстаның 15 жылдығына арналған тойда ауыр салмақ (салм. 120 кг, бойы 196 см) дәрежесінде күреске түсіп, бірінші орын алады. 1940 ж. Қарағандыға келген күш атасы Қажымұқан Боқаевты әдейі шақыртып, екеуі Майқұдық шахтасында кездеседі. Қажымұқан оның күшіне риза болып бата берген. 1945 ж. Жамбылдың 100 жылдық тойында нар палуан, ал 1949 ж. Ашғабатта өткен Орта Азия республикалары мен Қазақстан халықтарының ұлттық күрес түрлерінен өткен жарыста абсолюттік чемпион атанған.