БОҚСЫҚ

Боқсық, Бақсұқ — Есіл алабындағы өзен. Ақмола обласының Бұланды және Астрахан аудандары жерінде. Көкшетау қыратынан басталып, Ягодное ауданның тұсында Қалқұтан өз-не құяды. Ұз. 171 км. Су жиналатын алабының ауд. 4930 км2. Боқсық жоғ. ағысында, Капитоновка елді мекеніне дейін Қайрақты болып аталады. Өзен көктемде қар, жазда грунт суымен толығады. Оның 10-нан астам салалары бар, ірілері: Жолболды, Мәт және Құрғақ өзендері. Жылдық орташа су ағыны 1,97 м3/с. Минералдар көктемде 0,2 — 0,35 г/л, жазда 1,5 — 2,0 г/л. Өзенде бірнеше бөгет бар. Суы шаруашылық қажетіне, жер суаруға пайдаланылады.