Болат — Жанат
Болат — Жанат[1] - дастан. “Сауда ишан”, “Опасыз ишан” деген аттармен де ел арасына кең тараған дастанды ең алғаш рет ақын Нұралы Нысанбайұлы жырлаған. Ол жырлаған дастан нұсқасы “Сауда ишан” деген атпен жеке кітап болып жарық көрді (1974). Шығармаға негіз болған Жанат қыздың ишаннан көрген қорлықтары жайлы оқиға өз бостандығы жолында алған бетінен қайтпайтын, мақсатына жеткен шыдамды да өр мінезді, ақылды қыз туралы новеллалық сюжетпен астасқан хикаялық дастанға айналған. Халық өмірі шынайы бейнеленген туындының С. Аққожаев жырлаған нұсқасы көркемдігі қуатты, композициялық құрылымы жинақы нұсқа ретінде “Қазақ халық әдебиеті” көптомдығының дастандарға арналған 13-томында (1990) жарық көрген.
Пайдаланылған әдебиет[өңдеу]
- ↑ “Қазақ Энциклопедиясы”, II-том
|
Бұл бөлімде бастамасы. Сіз оны толықтырып, дамыту толықтырып, дамыту |