Тұран

Тұран - Орталық Азияның солтүстік-батысы мен Қазақстанның оңтүстік-батысындағы орасан зор (2,2 млн км квадрат) аумақты алып жатқан құмды, сазды, шөлді, шөлейтті ойпат. Географияда оны Тұран ойпаты дейді. Орасан ойпат аумағында Ауғанстан, Өзбекстан, Түрікменстан және Қазақстанның төрттен бір бөлігі орналасқан. Ойпаттың шеткі жағалаулары теңіз деңгейінен 200 м-ге дейін көтеріледі де, ортасындағы ойыс Арал теңізіне қарай төмендейді.