ҚОЛДАНБАЛЫ САЯСАТТАНУ

Қолданбалшы Саясаттану– саясаттану ғылымының бір саласы. Саяси мәселелердің даму тенденциясы мен механизмдерін зерттеу, саяси жағдайларды талдау, болжау принциптері мен әдістерін жасау, жобалау және сараптау, саяси процестерді басқару технологиялары мен жүйелерін жасаумен айналысады.Қолданбалшы Саясаттануда негізінен бихевиоризм методологиясы мен әдістемесі қолданылады және эмпирикалық зерттеулерде социология,психология, т.б. ғыл. салаларының әдістері кеңінен пайдаланылады. Қолданбалшы Саясаттанудың өзіндік ерекшелігі оның мақсаттары мен түпкі нәтижесінен көрінеді. Қолданбалы саяси зерттеулермен теоретиктер ғана емес, кәсіби сарапшылар, имиджмейкерлер, саяси қайраткерлердің кеңесшілері және нақтылы саясатқа қатысы бар өзге тұлғалар да шұғылданады. Қолданбалы зерттеулер, әдетте, мемл. органдардың, партиялардың, қоғамдық ұйымдардың, сайланбалы қызметтерге үміткерлердің және өзге саяси субъектілердің тапсырысымен жүзеге асырылады. Қолданбалшы Саясаттану нақтылы саяси шешімдерге ғана емес, кейде мемлекет стратегиясына да айтарлықтай әсер етеді.