ҚОҢДЫБАЕВА Мәриям Рамазанқызы

Қоңдыбаева Мәриям Рамазанқызы (1935 ж.т., Ресей, Омбы обл.) – педагогикалық ғылым докторы (1995), профессор Қазақ КСР-і Білім беру ісінің (1989), КСРО Оқу-ағарту ісінің (1991) үздігі. ҚазМУ-ды (1959, қазіргі ҚазҰУ) бітірген.Ақмола және Қостанай облыстары мектептерінде мұғалім (1960–66), Қостанай, Ақтөбе педагогикалық институттарында оқытушы (1966–87), ҚазҰПУ-да доцент, кафедра меңгерушісі қызметтерін атқарды (1987–2002). «Научно-методические основы формирования культуры речи двуязычного учителя-словесника» тақырыбында доктор диссертация қорғады. 100-ден астам ғылым жарияланым мен 3 монографияның авторы.