ӨМІРДІ ҰЗАРТАТЫН СПОРТ ТҮРЛЕРІ
ӨМІРДІ ҰЗАРТАТЫН СПОРТ ТҮРЛЕРІ[өңдеу]
Спортпен шұғылдану адам өмір ұзартуға септігін тигізеді. Физиологтар денсаулыққа ең пайдалы спорт түрлерін атап көрсетті. Сидней университетінің (Австралия) ғалымдары өздерінің жүргізген зерттеу жұмыстарының нәтижелерін British Journal of Sports Medicine журналында жариялады. Физиологтар бұл зерттеуде спорт түрлері мен адам өмірінің ұзақтығы арасындағы байланысты табуды мақсат еткен. Зерттеуге 80 мыңнан астам адам қатысқан, олардың орташа жасы – 50-ді құрайды.
Зерттеу нәтижелеріне сәйкес, футбол, жүгіру және ауыр атлетика адамның өмір жасына да, қауіпті ауруларға да еш ықпалын тигізбейді. Алайда, адам денсаулығына және өмір жасының ұзақтығына әсер ететін спорт түрлері бар екені анықталды.
Атап айтқанда, ракетка пайдаланылатын спорт түрлері кез келген ықтимал себептермен адамның ерте өліміне алып келетін қауіптерді 47%-ға азайтады екен. Мысалы, как бадминтон, теннис және сквош секілді спорт түрлері. Спорттың осы түрлерімен шұғылданатын адамдарда жүрек-қан тамыры ауруларынан көз жұму қаупі 56%-ға төмендейтін көрінеді.
Сонымен қатар, суда жүзу, аэробика және велосипед тебу денсаулыққа өте пайдалы екені анықталды. Спорттың бұл түрлері мерзімінен бұрын қайтыс болу қаупін сәйкесінше 28%, 27% және 15%-ға төмендетеді.