“БОЛАШАҚ”

“Болашақ”, Қазақстан Республикасы Президентінің халықаралық “Болашақ” стипендиясы — Қазақстанның талантты жастарына шетелдік жоғары оқу орындарында жоғары білім алу үшін берілетін стипендия.

Тарих

Ол Қазақстан Республикасы Президентінің 1993 ж. 5 қарашадағы 1394 “Шет елдерде кадрлар даярлау үшін Қазақстан Республикасы Президентінің халықаралық “Болашақ” стипендиясын белгілеу туралы” қаулысы негізінде беріледі. “Болашақ” стипендиясы білім алушының оқуына, тамағына, оқу құралдарына, жолына т.б. қажеттеріне кететін шығындар толық ескеріліп, мемлекеттік бюджеттен бөлінеді. Стипендияға үміткерлерді таңдау мақсатында жыл сайын “Шет елдерде кадрлар даярлау жөніндегі республикалық комиссия” конкурс өткізеді. Конкурсқа жоғары оқу орнын бітіргеннен кейін өзі қалаған мамандық бойынша бір жыл жұмыс істеген үміткер жіберіледі. Іріктеудің басты өлшемі үміткерлердің оқудағы нақты табыстары, ғыл.-зерттеу жұмыстары, шет ел тілін білуі, оқу орындары мен шет ел сарапшыларының кепілдік хаттары, психол. тестің нәтижелері, үш сатылы конкурстық іріктеуден табысты өтуі болып табылады. Басқа реттер тең деңгейде болғанда, әлсіз қорғалған әлеум. жіктердің балаларына басымдылық беріледі. “Болашақ” стипендиясы негізінде 1994 — 99 жылдары шет елдерде (АҚШ, Ұлыбритания, Германия, Жапония,Канада т.б. елдерде) 332 қазақстандық жастар білім алды. 1999 — 2000 оқу жылында стипендия алдын-ала іріктеу турынан ойдағыдай өткен 95 үміткерге, соның ішінде АҚШ-та оқуға 40, Ұлыбританияда оқуға 28, Германияда оқуға 13, Францияға оқуға 13, Жапонияда оқуға 1 адамға берілді. “Болашақ” стипендиясы бойынша шет елде білім алып оралған білікті мамандар Қазақстанның әкімш. басқару органдарында, ғыл. шет елдердегі өкілдіктерінде, экон. және қаржы мекемелерінде жемісті еңбек етуде.

Пайдаланылған әдебиет

[[санат:тұлға/географиябілім Қазақстанда